Lirik Lagu Rejang "Muning Raib" (Tebo Kabeak)

Muning Raib (Tebo Kabeak) oleh Ridwan Cholik

    Ade cerito meno'o

    Kunai sadie tuwei

    Do-o cerito neak Taneak Ejang

    Tekadeak ba Muning Raib

    Aleu mai Tebo Kabeak

    Aleu su-ang mai Tebo Kabeak

    Bi bulet niat neak atie

    Mesoa pengasei neak Tebo Kabeak

    Si aleu ngen bajeu neak awak

    Coa kelpei ngen ginghong saktei

    Si betarak neak Tebo Kabeak [2X]

    Kerno sa-ie ginghong saktei

    Diwo jijei tepiket

    Si tepiket ngen Muning Raib

    Jijei ba Muning Raib

    Idup besamo Diwo

    Idup besamo leyen deniyo [2X]

    Sapie ba bito kunai sadie

    Muning Raib ite majak belek

    Tapi ade syarat kunai Diwo

    Duwei patang coa nam kenerjo

    Dang kemsak Lebung ngengan Bekejei

    Dang kemsak po-ong amen Bekejei

    Kerno coa tinget pesen Diwo

    Coa sengajo kemerjo

    Diwo belek mai Tebo Kabeak

    Muning Raib bi mileu kulo [2X]

    Tekadeak ba sapie uyo

    Cerito meno'o neak sadie tuwei

    Amen bujang semulen coa lak celako

    Dang aleu mai Tebo Kabeak [2X]

    Do-o bi sudo supeak neak Kutei

Judul lagu: Muning Raib (Tebo Kabeak)
Penyanyi: Ridwan Cholik
Lirik dan aransemen: Heri Bianu Krisna

Lihat juga: Review Kisah dalam Lagu Rejang “Munib Raib”